बाँके १९ जेठ । स्वर्गीय पुर्व राजा विरेन्द्र शाहको सालिक राख्ने विषयमा विवाद हुँदा नेपालगञ्जको वीरेन्द्रचोक तनावग्रस्त बनेको छ ।
वीरेन्द्रचोकमा वीरेन्द्र शाहको सालिक राख्न खोज्दा प्रशासनले अवरोध गरेपछि प्रहरी र राजतन्त्र पक्षधर युवाहरुबिच झडप भएको हो । आज बिहिबार बिहान भएको झडपलाई नियन्त्रणमा लिन प्रहरीले केही राउण्ड हवाईफायर समेत गरेको छ ।
विरोधमा उत्रेका स्थानीय जनतामाथि बल प्रयोग गर्दै प्रहरीले सालिक हटाएको छ ।
झडपका क्रममा केहि प्रदर्शनकारी घाइते भएका छन् भने ,ठूलो संख्यामा सुरक्षाकर्मी तैनाथ गरिएको छ ।
