काठमाडौ १७ जेठ । आइतबार मुस्ताङको थासाङ गाउँपालिका–२ कोवाङको सिरानमा पर्ने सानोसरे भीरमा भएको विमान दुर्घटनामा परि मृत्यु भएका बाँकी १२ जनाको शव काठमाडौ ल्याइएको छ ।
नेपाली सेनाको हेलिकप्टमार्फत मुस्ताङको कोवाङ्गबाट ल्याइएको १२ जनाको शव त्रिभुवन अन्तर्राष्ट्रिय विमानस्थलबाट शववाहनमा राखेर पोस्टमार्टमको लागि त्रिवि शिक्षण अस्पताल महाराजगञ्ज लगिएको छ ।
विमानमा चालक दलका तीन जना सदस्यसहित २२ जना सवार तारा एयेरको विमान दुर्घटना हुँदा सबैको मृत्यु भएको हो । सोमबार १० जनाको शव काठमाडौं ल्याइएकाले आज मंगलबार बाँकी १२ जनाको शव ल्याइएको हो ।
पोस्टमार्टमपश्चात मात्र शवलाई आफन्तको जिम्मा लगाइने भएको छ ।
