धनगढी १७ जेठ । कैलालीको गोदावरी नगरपालिका–७ बस्ने एक दम्पति मृत अवस्थामा फेला परेका छन् ।
६५ वर्षीय हेमबहादुर ऐर घर नजिकै रूखमा झुन्डिएको अवस्थामा र श्रीमती ५४ वर्षीया पद्मा ऐर घरभित्र धारिलो हतियारले घाँटी रेटेको अवस्थामा मृत फेला प्रहरीले जनाएको छ ।
जिल्ला प्रहरी कार्यालय कैलालीले दिएको जानकारी अनुसार शव परीक्षणका लागि सेती प्रादेशिक अस्पतालमा राखिएको छ । घटनाबारे थप अनुशन्धान भइरहेको प्रहरीले जनाएको छ ।
