आईपीएलमा नयाँ टिमको रुपमा प्रबेश गरेको गुजरात टाइटन्सले डेब्युमै उपाधि जित्न सफल भएको छ । आज राति सम्पन्न फाइनलमा राजस्थान रोयल्सलाई ७ विकेटले हराउँदै गुजरातले उपाधी आफ्नो पोल्टामा पारेको हो ।अहमदाबादमा राजस्थानले दिएको १ सय ३१ रनको लक्ष्य गुजरातले १८ ओभर १ बलमा ३ विकेट गुमाएर पूरा गर्यो ।
गुजरातको जितमा सुबमन गिलले अविजित रहदै सर्वाधिक ४५ रन बनाए ।
कप्तान हार्दिक पान्डय ३४ रनमा आउट भए । डेभिड मिलर ३२ रनमा अविजित रहे । म्याथ्यु वेड ८ र रिद्धिमान शाह ५ रनमा आउट भए । राजस्थानका ट्रेन्ट बोल्ड,प्रसिद्ध कृष्ण र युजभेन्द्र चाहलले १र१ विकेट लिए । त्यसअघि पहिले ब्याटिङ गरेको राजस्थानले २० ओभरमा ९ विकेट गुमाएर १ सय ३० रनको योगफल तयार पारेको थियो ।
राजस्थानका लागि जोश बट्लरले सर्वाधिक ३९ रन जोडे । याशभी जैसवालले २२ रन जोड्दा रियान परागले १५ रन जोडे । कप्तान सन्जु सामसन १४ रनमा आउट भए ।गुजरातका हार्दिक पान्डयले ३ तथा साई किशोरले २ विकेट लिएका थिए।
