काठमाडौं १५ जेठ । नेकपा एमालेका उपाध्यक्ष रामबहादुर थापा ‘बादल’ले १५ औँ गणतन्त्र दिवसको अवसरमा स्वदेश तथा विदेशमा रहेका सम्पूर्ण नेपाली दिदीबहिनी तथा दाजुभाइहरूमा हार्दिक शुभकामना व्यक्त गरेका छन् ।
गणतन्त्र प्राप्तिका क्रममा भएका जनयुद्ध, जनआन्दोलन र विभिन्न समयमा भएका संघर्षमा आफ्नो प्राणको आहुति दिनुहुने महान् सहिदहरुप्रति हार्दिक श्रद्धाञ्जली व्यक्त गरेका थापाले बेपत्ता योद्धाहरुको त्यागको स्मरण गर्दै घाइते, अपांग योद्धाहरुको शिघ्र स्वास्थ्यलाभको कामनासहित उच्च सम्मान व्यक्त गरेका छन् ।
‘गणतन्त्र दिवस २०७९ को अवसरमा स्वदेश तथा विदेशमा रहनुभएका सम्पूर्ण नेपाली दिदीबहिनी तथा दाजुभाइहरूमा हार्दिक शुभकामना व्यक्त गर्दछु,’ थापाले शुभकामना सन्देशमा भने । साथै उनले सहिदहरूको सपना साकार पार्न आफूहरू निरन्तर लागिरहने प्रतिबद्धता समेत व्यक्त गरेका छन् ।
उनले भनेका छन्, ‘गणतन्त्र प्राप्तिका क्रममा भएका जनयुद्ध, जनआन्दोलन र विभिन्न समयमा भएका संघर्षमा आफ्नो प्राणको आहुति दिनुहुने महान् सहिदहरुप्रति हार्दिक श्रद्धाञ्जली व्यक्त गर्दछु ।’
