नेपाली कथानक चलचित्र घनचक्करको रिलिज डेट तोकिएको छ । सौगात मल्ल, सलोन बस्नेत र जेवी डिसीको मुख्य अभिनय रहेको यस फिल्मको शुक्रबार पोस्टर सार्वजनिक गरिएको छ । भट्ट एण्ड सन्स प्रोडक्सनको ब्यानरमा निर्माण भएको यस फिल्मको रिलिज डेट असार १० गतेका लागि तोकिएको छ । यस फिल्मलाई जितेन्द्र राजोपाध्यायले निर्देशन गरेका छन् भने करुणा अर्याल र संगम भट्टले निर्माण गरेका हुन् ।
हाँस्य बिद्यामा आधारीत यस चलचित्रमा कलाकारहरु सरोज खनाल, कस्मिरा लाम, शिशिर भण्डारी, अशान्त शर्मा, इश्वरी खड्का, कृष्णभक्त महर्जन, घनश्याम जोशी लगायतको अभिनय रहेको छ । फिल्मलाई सुसन प्रजापतिले छायाँकन गरेका छन् भने अर्जुनसिंहको कथा रहेको छ । त्यस्तै फिल्मको पटकथा तथा संबाद काजी लिम्बु, अष्ट महर्जनको द्धन्द्व निर्देशन, प्रदीप श्रेष्ठ र साइमन राजवंशीको कोरियोग्राफी रहेको छ ।
