काठमाण्डौ महानगरपालिकामा सुरुवात देखि नै अग्रता बनाई रहेका स्वतन्त्र उम्मेदवार बालेन्द्र साहले एमालेका मेयर पदका उम्मेद्धार केशब स्थापित संगको अग्रता बढाउँदै लगेका छन् । पछिल्लो अपडेट अनुसार कुल ७८ हजार ७७८ मत गणना भईसक्दा साहले २९ हजार ७६० मत प्राप्त गरेका छन् । उनका निकट्तम प्रतिद्धन्दी स्थापितले भने १६ हजार २५ मत प्राप्त गरेका छन् । साहले स्थापित भन्दा १३ हजार ७३५ मत बढी ल्याएर अग्रता लिईरहेका छन् । त्यस्तै कांग्रेसकी उम्मेद्धार सिर्जना सिंहले १५ हजार ११० मत प्राप्त गरेकी छिन् ।