रौतहट ४ जेठ । रौतहटको गौर नगरपालिकाको मेयर र उपमेयर दुवै पदमा नेकपा एकीकृत समाजवादी विजयी भएको छ । उम्मेदवार शम्भु साहले लोकतान्त्रिक समाजवादी पार्टीका अजय गुप्तालाई पराजित गर्दै मेयरमा निर्वाचित भएका हुन् ।
साहले ६ हजार ३८१ मत प्राप्त गरेका छन् । पराजित गुप्ताले ३ हजार ७५५ मत पाएका छन् । उपमेयरमा पनि एकीकृत समाजवादीकी शैलकुमारी साह ४ हजार ८०९ मत ल्याइ निर्वाचित भएकी छन् ।
उनका प्रतिद्धन्दी जनता समाजवादी पार्टीका अमरुल कले १ हजार ४७ मत पाएका छन् ।
