सर्लाही, ४ जेठ :
जिल्लाको दक्षिण सीमावर्ती क्षेत्र विष्णु गाउँपालिकामा नेपाली कांग्रेसले कार्यकाल दोहोर्याएको छ । विष्णु गाउँपालिकामा सम्पन्न मतगणनाको परिणामअनुसार पालिका अध्यक्ष पदमा कांग्रेसका उम्मेद्वार जवाहरलाल यादव १३१ मतान्तरले विजयी भएका हुन् । यादवले कुल ३ हजार २११ मत प्राप्त गर्दा उनकाे निकटतम् प्रतिद्वन्द्वी जनता समाजवादी पार्टीका विजयकुमार यादवले ३ हजार ८० मत मात्र प्राप्त गरे ।
यस्तै उपाध्यक्ष पदमा पनि कांग्रेसकी उम्मेदवार विजयी भएकी छन् । कांग्रेसकी उम्मेदवार उषा देवी २९४९ मतसहित विजयी भएकी हुन् । उन्को निकटतम प्रतिस्पर्धी जनता समाजवादी पार्टीकी सुनिता देवी जसवालले २ हजार ४७० मत मात्र प्राप्त गर्दै पराजित भईन् ।
यस्तै यस पालिकाको वडाध्यक्षमा कांग्रेसले ३, जसपाले ३, लोसपाले एक र माओवादी केन्द्रले एक स्थानमा जित निकालेको छ । वडा नम्बर १ मा लोकतान्त्रिक समाजवादी पार्टीका विकाउ ठाकुर, २ नम्बमा नेकपा(माओवादी केन्द्र) का मनोज प्रसाद यादव, ३ मा कांग्रेसका जय कुमार चौधरी, ४ मा कांग्रेसका विनोद राय यादव, ५ मा जनता समाजवादीका कमोद राय यादव, ६ मा कांग्रेसका नन्द किशोर यादव, ७ मा जनता समाजवादीका निरस राउत र ८ नम्बरमा जनता समाजवादीका जवाहर लाल राय निर्वाचित भएका हुन् ।
विष्णु गाउँपालिकासहित नेपाली कांग्रेसले २० पालिकामध्ये ७ पालिकामा जित निकालेको छ । यस्तै अहिलेसम्म माओवादी केन्द्रले दुई स्थानमा जित निकालेको हो । बाँकी पालिकाको मतगणना भइरहेको छ । प्राप्त मतपरिणामअनुसार बागमती नगरपालिकामा पनि नेकपा माओवादी केन्द्रको जित सुनिश्चित भइसकेको छ भने हरिवन नगरपालिकामा पनि माओवादी केन्द्रले अग्रता कायम गरेको छ ।
अन्तिम मतपरिणाम सार्वजनिक भएका मध्ये हरिपुर नगरपालिका, हरिपुर्वा नगरपालिका, पर्सा गाउँपालिका, ब्रम्हपुरी गाउँपालिका, कौडेना गाउँपालिका, धन्कौल गाउँपालिका र बिष्णु गाउँपालिकामा नेपाली कांग्रेसले विजय हासिल गरिसकेको हो । यस्तै बलरा नगरपालिका र रामनगर गाउँपालिकामा माओवादी केन्द्रले विजय हासिल गरेको छ ।
