काठमाडौं महानगरको पछिल्लो मत परिणाम सार्वजनिक भएको छ । महानगरका प्रमुख पदका स्वतन्त्र उम्मेदवार बालेन शाहले एमाले उम्मेवार केसव स्थापितसँगको मतान्तर झन बढाउँदै लगेका छन् । पछिल्लो पत परिणाम अनुसार बालेनले १३ हजार ७६१ मत प्राप्त गरेका छन् । एमालेका महानगर प्रमुखको उम्मेदवार केशव स्थापितले ७ हजार ३७७ मत पाएका छन् । प्राप्त मत परिणाम अनुसार स्थापित भन्दा बालेन ६ हजार ३८४ मतले अघि देखिएका छन् ।
त्यस्तैगरी नेपाली कांग्रेसकी उम्मेदवार सिर्जना सिंहले ६ हजार ५३५ मत प्राप्त गरेकी छन् । त्यस्तै राप्रपाका मदनदास श्रेष्ठले ८०९, बिबेकशील साझाकी समिक्षा बाँसकोटाले ८८ मत मात्र प्राप्त गरेकी छिन् । त्यस्तै उपमेयरमा एमालेकी सुनिता डंगोलले १२ हजार १५७, समाजबादीका रामेश्वर श्रेष्ठले ३ हजार ६१४, राप्रपाकी बिनिता मगैयाले २ हजार ६२८ र बिबेकशील साझाकी कृति कंशाकारले ३९६ मत प्राप्त गरेकी छिन् ।
