भक्तपुरको मध्यपुर थिमि नगरपालिकामा सत्ता गठबन्धनका तर्फ बाट मेयर पदका उम्मेद्धार नेपाली कांग्रेसका सुरेन्द्र श्रेष्ठ निर्वाचित भएका छन् । उपमेयरमा गठबन्धनकै नेकपा माओवादी केन्द्रका विजयकृष्ण श्रेष्ठ विजयी भएका छन् । श्रेष्ठले १५ हजार ९८ मत प्राप्त गर्दै बिजयी भए । उनका निकट्तम प्रतिद्धन्दी एमालेका उम्मेदवार मदनसुन्दर श्रेष्ठले ११ हजार ३५ मत प्राप्त गरे ।
सुरेन्द्रले निकटतम् प्रतिद्वन्द्वी मदनसुन्दर लाई ४ हजार ६३ मतले पराजित गरे । उपमेयरमा विजय श्रेष्ठले १२ हजार १ सय २ मत प्राप्त गरे । श्रेष्ठले निकटतम् प्रतिद्वन्द्वी एमालेका उम्मेदवार उत्तरा नेपाललाई ३ हजार १३९ मतले पराजित गरे । नेपालले ८ हजार ९६३ मत पाएकी छन् ।
