काठमाडौं ३० जेठ । नेकपा एमालेका विदेश विभाग उपप्रमुख विष्णु रिजालले जनादेशको सम्मान गर्न सबैलाई आग्रह गरेका छन् । नेता रिजालले आज सामाजिक सञ्जाल फेसबुक मार्फत कर्णालीमा हेर्दाहेर्दै नेकपा (एमाले)को हातबाट फुत्किएको राजनीतिलाई ४ सांसदको पुनर्बहालीसँगै अदालतले फेरि एमालेकै हातमा फर्काइदिएको बताउँदै यस्तो प्रतिक्रिया दिएका हुन् ।
३९ सदस्यीय प्रदेशसभामा एमालेको स्पष्ट बहुमत अर्थात् २० सिट छ । पार्टी मिल्नासाथ तुरुन्तै एकल सरकार बनिहाल्ने नेता रिजालको विश्वास रहेको छ । नेकपा एमालेलाई एकपटक लडेपछि धूलो टक्टकाएर उठ्ने मौका मिलेको छ । तसर्थ मन माझौँ, पार्टी मिलाऔँ, जनादेशको सम्मान गरौँ नेता रिजालले भनेका छन् ।
रिजालले लेखका छन्, कर्णालीमा हेर्दाहेर्दै नेकपा (एमाले)को हातबाट फुत्किएको राजनीतिलाई ४ सांसदको पुनर्बहालीसँगै अदालतले फेरि एमालेकै हातमा फर्काइदिएको छ । ३९ सदस्यीय प्रदेशसभामा एमालेको स्पष्ट बहुमत अर्थात् २० सिट छ । पार्टी मिल्नासाथ तुरुन्तै एकल सरकार बनिहाल्छ । हामी सबैलाई एकपटक लडेपछि धूलो टक्टकाएर उठ्ने मौका मिलेको छ । मन माझौँ, पार्टी मिलाऔँ, जनादेशको सम्मान गरौँ ।
