काभ्रे, २ जेठ-पूर्वमन्त्री एवं सांसद गाेकुल बास्काेटाकाे वडामा एमालेकाे प्यानलै विजयी भएकाे छ। काभ्रेकाे मण्डनदेउपुर-४ मा एमालेबाट वडाध्यक्ष मैतेसिंह तामाङको सिंगो टिम विजयी भएकाे हाे ।
उनी ६ सय २३ मतसहित विजयी हुँदा निकटतम प्रतिद्वन्द्वी माओवादी केन्द्रका उम्मेदवारले ४ सय ६८ मत पाए । कांग्रेसका उम्मेदवारले २ सय ७५ मात्र मत पाएका छन् ।
मेयरका उम्मेदवारसमेत रहेका एकीकृत समाजवादीका जिल्ला अध्यक्ष टाेकबहादुर वाइवाकाे गृह वडा पनि हाे, याे ।
तर, उनले याे वडाबाट ५ सय ७३ मत मात्र पाउँदा एमालेबाट मेयरका उम्मेदवार विदुर सापकाेटाले ७ सय १७ मत पाएका छन् । नगरपालिकामा मतगणना जारी छ ।
हालसम्म वडा नम्बर १,२,३ र ४ मा गणना सकिएर अन्तिम परिणाम प्राप्त भइसकेकाे छ। वडा नम्बर १ र ४ मा एमाले र २ र ३ मा नेपाली कांग्रेसले जित हात पारेका छन्। अहिले वडा नम्बर ५ र ६ काे मतगणना जारी छ ।
