खोटाङ १ जेठ ।खोटाङको जन्तेढुंगा गाउँपालिका अध्यक्षमा नेकपा माओवादी केन्द्र की अरुणादेवी राई निर्वाचित भएकी छन् । अरुणाले २८८१ मत ल्याउँदा उनका प्रतिद्धन्दी एमालेका अध्यक्ष पदका उम्मेदवार शंकरबहादुर राईले २५७५ मत ल्याएका थिए ।
अरुणादेवीले ३०६ मत अन्तरले विजय हुँदै जनप्रतिनिधिमा गाउँपालिका अध्यक्ष जित्ने पहिलो महिला बनेकी छन् । यता शंकरबहादुर भने यस अघिको निवर्तमान अध्यक्ष थिए ।
नेपाली कांग्रेस र माओवादीले ताल मेल गरेको खोटाङमा उपाध्यक्षमा पनि गठवन्धनकै नेपाली कांग्रेसका खेमबहादुर खड्का २८०५ ल्याएर निर्वाचित भएका छन् । उनले आफ्ना प्रतिपर्धी एमालेकी विमला राईं लाई हराएका हुन् ।
उनले २४९५ मत ल्याएकी थिइन् ।
