काठमाडौं ३० वैशाख । राष्ट्रिय प्रजातन्त्र पार्टी राप्रपाका नेतृ तथा अभिनेत्री रेखा थापाले चावहिलस्थित पशुपति बहुमुखी क्याम्पसको केन्द्रबाट मतदान गरेकी छन् ।
मतदान पछि सञ्चार माध्यमहरुसँग बोल्दै चुनावमा नागरिकले आफ्नो विवेकलाई सही ढंगले प्रयोग गर्ने आफु विश्वस्त रहेको बताएकी छन् ।
चुनावको दिन मात्र जनतालाई मालिक भन्ने प्रवृति अन्त्य गरिनुपर्ने बताएकी उनले जनप्रतिनिधि छान्ने कार्यमा हरेकले बुझेर मतदान गर्नुपर्ने बताएकी छन् ।
सही जनप्रतिनिधि छान्ने र उनीहरुले सही काम गर्ने हो भने मात्र देशको मुहार फेरिने बताएकी उनले जनतालाई मालिक भन्ने प्रवृति व्यवहारमा भने लागू नभएको गुनासो गरेकी छन् ।
