काठमाडौँ, २९ वैशाख -गृहमन्त्री बालकृष्ण खाणले आम नेपालीहरुलाई निर्भयतापूर्वक विवेकसम्मतरूपले आफ्नो टोल, गाउँ र नगर विकासका लागि सक्षम प्रतिनिधि छनोटका लागि आफ्नो अमूल्य अभिमत प्रदान गर्न मतदातामा अनुरोध गर्नुभएको छ । आज एक अपिल जारी गर्दै गृहमन्त्री खाणले सङ्घीय लोकतान्त्रिक गणतन्त्रलाई जनताको पक्षमा मजबुत पार्न, विधिको शासनलाई सुदृढ गरी निर्वाचनको माध्यमबाट जनतालाई सशक्त बनाउन र जनस्तरसम्म शान्ति, स्थिरता, समृद्धि र सुशासन कायम गरी विकासको प्रतिफल जनताको घर आँगनसम्म पु¥याउनका लागि निर्वाचनमा सक्रियतापूर्वक सहभागी हुन मतदाताहरुमा आग्रह गर्नुभएको छ ।
“यहाँको अभिमतले देश र देशवासीको समृद्धिमा सहयोग पु¥याउने छ भन्ने विश्वास लिएको छु”, गृहमन्त्री खाणद्वारा जारी अपिलमा भनिएको छ । संविधान निर्माणपश्चात दोस्रो पटक यही वैशाख ३० गते शुक्रबार मुलुकभर एकै चरणमा हुन लागेको स्थानीय तह निर्वाचन सुरक्षा व्यवस्थासम्बन्धी र निर्वाचन आयोगले निर्वाचनसम्बन्धी सम्पूर्ण तयारी पूरा गरिसकेको जनाउँदै उहाँले सरकार स्वच्छ, निष्पक्ष, धाँधलीरहित र शान्तिपूर्ण वातावरणमा निर्वाचन सम्पन्न गर्न प्रतिबद्ध रहेको उल्लेख गर्नुभएको छ ।
