आसिफ शेखको बिस्फोटक ब्याटिङ संगै नेपालले पाहुना टोली जिम्बावे ए विरुद्धको तेस्रो तथा अन्तिम टी ट्वान्टीमा शानदार जित निकालेको छ । टियु क्रिकेट मैदानमा आज सम्पन्न खेलमा नेपालले जिम्बावेलाई ८ विकेटले पराजित गरेको हो ।जितसँगै नेपालले पहिलो खेलमा व्यहोरेको हारको बदला लिएको छ ।
पहिलो खेलमा नेपाल जिम्बावेसँग ६ विकेटले पराजित भएको थियो । दोस्रो टी(ट्वान्टी भने वर्षाले रद्द भएको थियो ।नेपालको जितसँगै तीन खेलको सिरिज १(१ को बराबरीमा सम्पन्न भएको छ । जिम्बावेले नेपाल समक्ष १ सय ३७ रनको लक्ष्य दिएको थियो । लक्ष्य पछ्याउँदै मैदान उत्रिएको नेपालले १५ ओभर ५ बलमा २ विकेट गुमाएर पूरा गरेको थियो ।
नेपालको जितमा आसिफ शेखले अविजित रहदै ८७ रनको अर्धशतकीय इनिङ खेले ।यस्तै कुशल भुर्तेलले ३४ रन जोड्दा बसिर अहमेदले १० रन जोडे । जिम्बावेका लागि लुक जोग्वे र ब्राण्डन माभुताले १र१ विकेट लिए । त्यसअघि टस हारेर पहिले ब्याटिङ गरेको जिम्बावेले २० ओभरमा ७ विकेट गुमाएर १ सय ३६ रन बनाएको थियो ।
जिम्बावेका लागि रोय कियाले सर्वाधिक ४९ रन बनाए । मारुमानीले २७ रन जोड्दा लुक जोग्वेले अविजित २३ रन बनाए । इनोसेन्ट कियाले १४ रन जोडे । नेपालका कप्तान सन्दीप लामिछानेले २ तथा सोमपाल कामी र बसिर अहमेदले १र१ विकेट लिए ।अब नेपालले पाहुना टोलीसँग तीन खेलको एकदिवसीय सिरिज खेल्नेछ ।
