काठमाडौं २१ वैशाख । नेपाली कांग्रेसका महामन्त्री विश्वप्रकाश शर्माले नेकपा एमालेका अध्यक्ष केपी शर्मा ओलीलाई कांग्रेसको घोषणा पत्रमा ओलीको आमा उभिएको देखिने बताएका छन् ।
विराटनगरमा आयोजित चुनावी सभालाई सम्बोधन गर्दै महामन्त्री शर्माले एमालेको घोषणा पत्रमा अग्ला–अग्ला भवन र भ्यूटावर देखिएको भन्दै यस्तो बताएका हुन् ।
‘एमालेको घोषणा पत्रमा एउटा पनि मान्छेको अनुहार राखिएको छैन, कांग्रेसको घोषणा पत्रमा तपाईंले आफूलाई देख्नुहुन्छ, तपाईंको आमा उभिएको देख्नुहुन्छ, भाइ, बहिनी वा बाबा उभिएको देख्नुहुन्छ ।’
उनले सम्बोधनका क्रममा कांग्रेसले ह्वील चेयरमा बस्ने र सुकुम्बासीलाई घोषणा पत्रमा प्राथमिकता दिएको समेत दावी गरेका छन् ।
