काठमाडौ १९ वैशाख । भारतीय प्रधानमन्त्री नरेन्द्र मोदी नेपाल आउने भएका छन् । प्रधानमन्त्री शेरबहादुर देउवाको निमन्त्रणमा स्थानीय तह निर्वाचन सम्पन्न भएलगत्तै मोदी नेपाल आउने भएका हुन् ।
मोदी आगामी जेठ २ र ३ गते बुद्ध जयन्तीको अवसरमा दूई दिने नेपाल भ्रमणमा आउने भएका हुन् ।
मोदी धार्मिक, कुटनीतिक र सद्भावना भ्रमण गर्ने गरी नेपाल आउने भएका हुन् । केहि समय अगाडी मात्र प्रधानमन्त्री देउवा भारत भ्रमणमा गएका थिए ।
नेपालमा रहँदा मोदीले लुम्बिनी समेत जाने भएका छन् । यही वैशाख ३० गते स्थानीय तह निर्वाचन हुने भएको छ ।
कालापानी, लिम्पियाधुरा र लिपुलेकसम्मको भूभाग समेटेर नेपालको नक्सा जारी गरेपछि दूई देश बिचको सम्बन्धमा दुरी बढेको थियो ।
