साविक विजेता चेन्नई सुपर किङस इन्डियन प्रिमियर लिग आईपीएल टी ट्वान्टी क्रिकेटमा तेस्रो जित निकाल्न सफल भएको छ । पुनेमा आइतबार राति सनराइजर्स हैदरावादलाई १३ रनले हराउँदै चेन्नईले तेस्रो जित निकालेको हो । चेन्नईले हैदरावादको लागि २ सय ३ रनको लक्ष्य प्रस्तुत गरेको थियो । लक्ष्य पछ्याएको हैदरावादले २० ओभरमा ६ विकेट गुमाएर १ सय ८९ रन मात्र बनाउन सक्यो ।
हैदरावादका लागि निकोलस पुरनले अविजित रहदै ६४ रनको अर्धशतकीय इनिङ खेले । कप्तान केन विलियम्सनले ४७ रन बनाए । अविशेक शर्माले ३९ रन जोडे । चेन्नईका मुकेश चौधरीले ४ विकेट लिए । यस अघि पहिले ब्याटिङ गरेको चेन्नईले २० ओभरमा २ विकेट गुमाएर २ सय २ रन जोडेको थियो ।चेन्नईका लागि रुतुराज गायकवाडले ९९ रनको अर्धशतकीय इनिङ खेले ।
डेभोन कोन्वेले अविजित रहदै ८५ रनको अर्धशतकीय इनिङ खेले । कप्तान महेन्द्र सिंह धोनी ८ रनमा आउट भए । हैदरावादका टी नटराजनले २ विकेट लिए ।जितसँगै चेन्नईले ९ खेलमा ६ अंक जोडेको छ ।चेन्नई नवौं स्थानमा रहेको छ । हैदरावाद ९ खेलमा १० अंक जोडेर चौंथो स्थानमा रहेको छ
