भोजपुरी सिनेमाबाट एउटा अचम्मको खबर बाहिर आएको छ । सुपरस्टार पवन सिंहको वैवाहिक जीवनको बारेमा एउटा ठूलो अपडेट आएको छ । पवन सिंहको वैवाहिक जीवनमा तनाव चलिरहेको थाहा पाउँदा सबैलाई अचम्म लाग्न सक्छ । पवन सिंहले श्रीमती ज्योति सिंहसँग सम्बन्ध विच्छेद मागेका छन् । उनले आरा व्यवहार अदालतको पारिवारिक अदालतमा सम्बन्धविच्छेदका लागि निवेदन दिएका छन् ।
यता, सुपरस्टारकी श्रीमती ज्योति सिंहले पवन सिंहले आफूलाई दुव्र्यवहार गरेको आरोप लगाएकी छिन् । यस मुद्दामा अदालतले अर्को मिति तोकेको छ । पवन सिंह अब आफ्नी श्रीमतीसँग बस्न चाहँदैनन् । उनी आफ्नी श्रीमतीलाई छोड्न चाहन्छन् । अदालतबाहिर पवन सिंहकी श्रीमतीका वकिल विष्णुधर पाण्डेले सुपरस्टार र उनकी श्रीमतीबीच सम्बन्ध नरहेको बताए । दुईबीच विवाद छ ।
यो विवादलाई लिएर सम्बन्धविच्छेदको निवेदन परेको छ । विवाहपछि पवन सिंहले श्रीमतीलाई यातना दिने गरेका थिए । उसलाई कुटपिट गर्थे । विवाहपछि पवन सिंहले आफ्नी श्रीमतीको दुई पटक गर्भपतन गरेका थिए । पवन सिंहको व्यक्तिगत जीवन सधैं चर्चामा रहन्छ। ज्योति सिंहसँग पवन सिंहको यो दोस्रो विवाह हो । जुन अहिले सम्बन्धविच्छेद सम्म पुगेको छ ।
पवन सिंहकी जेठी श्रीमती नीलमले आत्महत्या गरेकी थिईन् । पहिलो श्रीमतीको बिदाइपछि पवन सिंह एक्लै परेका थिए । यसै क्रममा पवन सिंह भोजपुरी अभिनेत्री अक्षरा सिंहको नजिक पुगे । दुवैको अफेयरको खबर मिडियामा आएको थियो । अक्षरा सिंहसँग रोमान्स गरेको खबर बीचै पवन सिंहले विवाह गरेपछि सबै चकित भएका थिए । त्यसपछि अक्षराले पवन सिंहमाथि धेरै गम्भीर आरोप लगाइन् । पवन सिंह आफ्नी दोस्रो पत्नी ज्योतिसँग विरलै देखिएका थिए।
दुवैजना पार्टी वा कार्यक्रममा सँगै देखिएका छैनन् । सम्बन्ध विच्छेदको निवेदन दिएपछि पवन र ज्योति आमनेसामने भएका छन् । ज्योतिले पवन सिंहमाथि लगाएका आरोप गम्भीर छन् । यद्यपी यी आरोपमा कति सत्यता छ भन्ने पुष्टि भएको छैन । तर पवन सिंहको वैवाहिक जीवनको यो दुखद कथा सुनेर फ्यानहरु छक्क परेका छन् । पवन सिंह एक प्रसिद्ध भोजपुरी गायक, संगीत रचनाकार, निर्माता हुन्। पवन सिंहले सानैदेखि गीत गाउन थालेका थिए ।
उनको नाममा धेरै हिट भोजपुरी गीत छन् । पवन सिंह धेरै म्युजिक भिडियो र फिल्ममा देखिइसकेका छन् । पवन सिंहको गीत रिलिज हुनेबित्तिकै भाइरल हुन्छ । पवन सिंहले आफ्नी पहिलो पत्नी नीलम सिंहसँग सन् २०१४ मा विवाह गरेका थिए । नीलमले ८ मार्च २०१५ मा आत्महत्या गरेकी थिइन् । यसपछि पवनले २०१८ मा ज्योति सिंहसँग विवाह गरेका थिए ।
