बलिउडमा एकातिर साउथ सिनेमाको दबदबा बढ्दै गएको छ भने अर्कोतिर भाषालाई लिएर नयाँ विवाद उत्पन्न भएको छ । यो विवाद साउथ इन्डस्ट्रीका हिट खलनायक किच्चा सुदीपको भिडियो अन्तर्वार्ताबाट सुरु भएको हो । उक्त भिडियोमा उनले हिन्दी भाषाको लागि यो हाम्रो राष्ट्रिय भाषा नभएको बताएका छन् । अहिले किचा सुदीपको यो विवादित बयानले धेरैको ध्यानाकर्षण भएको छ ।
यसबारे अजय देवगनले अभिनेतालाई उचित जवाफ दिएका छन् । अजय देवगनले ट्विट गर्दै लेखेका छन्, – किच्चा सुदीप, मेरो भाइ, यदि तपाईका अनुसार हिन्दी हाम्रो राष्ट्रिय भाषा होइन भने तपाई आफ्नो मातृभाषाका फिल्मलाई हिन्दीमा डब गरेर किन रिलिज गर्नुहुन्छ ? हिन्दी हाम्रो मातृभाषा र राष्ट्रिय भाषा थियो, छ र सधैं रहनेछ। जन गण मन। अजय देवगनलाई जवाफ दिँदै किच्चाले पनि ट्वीट गरेर स्पष्टीकरण दिएका छन् ।
किच्चाले लेखेका छन्,– सर, जुन सन्दर्भमा मैले त्यो भनेको थिएँ, मलाई लाग्छ मैले त्यो बिन्दुलाई एकदमै फरक ढंगले लिएको छु। तपाईलाई भेट्दा मात्रै मेरो कुरा राम्रोसँग राख्न सक्छु। कसैको भावनामा चोट पुर्यााउन, कुनै विवाद भड्काउने वा बढावा दिन। म किन त्यसो गर्छु, सर।ू किचाले अर्को ट्वीटमा लेखेका छन्, – म आफ्नो देशको हरेक भाषालाई सम्मान गर्छु । म यो विषयलाई थप पछ्याउन चाहन्न। म यो यहाँ समाप्त गर्न चाहन्छु। मैले भनेजस्तै मैले बुझेको कुरा भन्न खोजेको होइन। तपाईलाई धेरै माया र शुभकामना।
साउथ सिनेमाको कुरा गर्दा आज यो उद्योग निकै तिब्र गतिमा अगाडि बढिरहेको छ । साउथ फिल्मले कमाईको हिसाबले रेकर्ड बनाएका छन् । ‘बाहुबली’, ‘पुष्पा’, ‘आरआरआर’ र ‘केजीएफ’ जस्ता फिल्मले कमाईको हिसाबले चमत्कार गरेका छन् । संसारभरका मानिसहरु यी चलचित्रका फ्यान बनेका छन् । आरआरआरले विश्वभर १००० करोड भन्दा बढी कमाई गरेको छ, जबकि केजीएफ च्याप्टर २ पनि द्रुत गतिमा १००० करोड तिर गइरहेको छ।