सप्तरी -सप्तरीमा बिहेमा डिजे बनाउने विषयमा भएको विवाद हुँदा एक जनाको दुखद निभन भएको छ । मृत्यु हुनेमा २७ वर्षीय सन्तलाल पासवान रहेका छन् । उनको उपचारको क्रममा बुधवार बिहान नोवेल मेडिकल कलेजमा मृत्यु भएको हो ।
सोमबार भएको झडपमा घाइते भएका उनको आज निधन भएको हो ।रामचन्द्र पासवानको घरमा सोमबारराति जन्तिले ल्याएको डिजे बजाउने विषयमा भएको विवादले उग्र रुप लिएको थियो ।
युवकको मृत्यु भएपछि दोषीलाई कारबाहीको माग गर्दै स्थानीय बासिन्दाहरूले सप्तरीस्थित पूर्व–पश्चिम राजमार्गको कल्याणपुर–कडरबोना सडक अवरुद्ध पारेका छन् ।कुटपिटमा संलग्न भएको आरोपमा एक जनालाई पक्राउ गरेर अनुसन्धा अघि बढाइएको बताइएको छ ।
