रुपन्देही १४ वैशाख । वैशाख ३० गते हुने स्थानीय तह निर्वाचनको लागि नेकपा (एकीकृत समाजवादी) पार्टी रुपन्देही जिल्लाको १५ पालिकामा गठबन्धनबाट बाहिरिएको छ ।
१६ वटा पालिका रहेको रुपन्देही बुटवल उपमहानगरपालिका बाहेक अन्य पालिकामा समाजवादी गठवन्धनबाट बाहिरिएको हो ।
समाजवादीले १५ वटै स्थानीय तहमा एकल रुपमा उम्मेदवारी दर्ता गरेको गरेको छ भने बुटवल उपमहानगरमा पाँच दलीय गठबन्धनबाट उपप्रमुखमा चिनबहादुर गुरुङलाई नेकपा एसले अघि सारेको छ ।
गठबन्धनसँग पद बाँडफाँटमा कुरा नमिल्दा नेकपा एसले १५ पालिका एक्लै उम्मे दवार दिएको हो ।
तर, गठवन्धनमा सहभागी अन्य दलले भने समाजवादीले हैसियत भन्दा बढी माग गरेकाले मिलेर जान नसक्ने अवस्थाका आएको बताएका छन् ।
समाजवादीले नगरपालिका प्रमुख र गाउँपालिका अध्यक्ष गरी नौ जना, उपप्रमुख र उपाध्यक्ष गरी आठ उम्मेदवारी दर्ता गराएको बताइएको छ ।
