जनकपुरधाम १३ वैशाख । रोकिराखेको ट्रकमा तीन जना सवार मोटरसाइकल ठोक्किदा तिनै जनाको घटनास्थलमै मृत्यु भएको छ ।
धनुषा जिल्लाको क्षिरेश्वरनाथ नगरपालिका-५ स्थित सडकमा रोकिराखेको ना। २ ख ८६२४ नम्बरको ट्रकमा लु. ८३ प ८६५२ नम्बरको मोटरसाइकल ठोक्किदा तिनै जनाको ज्यान गएको प्रहरीले जनाएको छ ।
जिल्ला प्रहरी कार्यालयले दिएको जानकारी अनुसार मृत्यु हुनेमा जनकपुरधाम उपमहानगरपालिका-४ का २० वर्षीय सुमित भिण्डेबालको मात्र सनाखत भएको छ । अन्य दुई जनाको नाखत हुन बाँकी रहेको छ ।
पोष्टमार्टमका लागि तीनै जनाको शवलाई जनकपुरधामको प्रादेशिक अस्पताल लगिएको प्रहरीले जनाएको छ ।
रोकिराखेको ट्रक चालकलाई भन प्रहरीले नियन्त्रणमा लिएको छ ।
