काठमाडौं १३ वैशाख । नेकपा एमालेका अध्यक्ष तथा पुर्व प्रधानमन्त्री समेत रहेका नेता केपी शर्मा ओलीले नेपाली कांग्रेसको काम भनेको एमालेले गरेको विकासका कामको विरोध गर्ने मात्र भएको बताएका छन् ।
मंगलबार २३ औं मनमोहन स्मृति दिवसको अवसरमा आयोजित कार्यक्रममा अध्यक्ष ओलीले यस्तो प्रतिक्रिया दिएका हुन् ।
कम्युनिस्ट पार्टी कब्जा गर्न नसकेपछि भागेका नेकपा माओवादी केन्द्रका अध्यक्ष र एकिकृत समाजवादीका अध्यक्ष माधव नेपालको वैशाखी टेकेर अघि बढ्न खोजेको कांग्रेसको चुनावी घोषणा पत्र राजनीतिक दस्तावेज नभइ पागलहरूको प्रलाप भएको ओलीको दावी रहेको छ ।
एमालेमाथि गालीगलौज गरिएको चुनावी घोषणा पत्रमा एमाले सरकारले गरेको काम प्रति प्रश्न उठाइएको प्रति आपत्ती जनाएका उनले भने, बाटो किन चौडा बनाएको ? रेल किन ल्याएको ? पाइपलाइन किन चाहियो ? यस्तो आरोप लगाएको दस्तावेज राजनीतिक दस्तावेज हुन्छ ?’
