भरतपुर ११ वैशाख । वैशाख ३० गते हुन लागेको स्थानीय तह निर्वाचनको लागि चितवनमा नेकपा एमालेले पालिकामा प्रमुख र उपप्रमुखको उमेदवारको टुंग्गो लगाएको छ ।
भरतपुरमा एमालेका विजय सुवेदीलाई उमेदवार बनाइने भएको छ । भरतपुर र माडी उपप्रमुखमा भने एमालले राप्रपाका लागि दुई पद खाली राखेको छ । किनकी एमालेले भरतपुर महानगरपालिका र माडी नगरपालिकामा राप्रपासँग तालमेल गरेको छ ।
यसैगरी , राप्ती नगरपालिका प्रमुखमा गोविन्द कँडेल र उपप्रमुखमा मेनका पाठक, खैरहनी नगरपालिका प्रमुखमा लालमणि चौधरी र उपप्रमुखमा कविता उप्रेतीको नाम उम्मेदवारीको लागि टुग्गो लागेको छ ।
रत्ननगर नगरपालिका प्रमुखमा विमला दुवाडी र उपप्रमुखमा यादव पाठक र कालिका नगरपालिका प्रमुखमा विनोद रेग्मी र उपप्रमुखमा विमला लामा तथा माडी नगरपालिकाको प्रमुखमा कुमारी महतो ईच्छाकामना गाउँपालिका अध्यक्षमा दानबहादुर गुरुङ र उपाध्यक्षमा माया सिलवाललाई उठाउने एमालेले निर्णय गरेको छ ।
