काठमाडौं ९ वैशाख । राष्ट्रपति विद्यादेवी भण्डारी आज चितवन जाने भएकी छन् । नेपाल फर्मा एक्स्पो, २०२२ को उद्घाटनका लागि शुक्रबार राष्ट्रपति भण्डारी चितवन जान लागेकी हुन् ।
भण्डारी दिउँसो १ बजे उद्घाटनको लागि चितवन आउने भएपछि त्यहाँको सुरक्षा व्यवस्थामा कडाई गरिएको छ । नेपाल औषधि उत्पादक सङ्घले चितवन प्रदर्शनी केन्द्रमा एक्स्पो गर्न लागेको हो ।
उक्त एक्स्पो वैशाख ११ गते सम्म सञ्चालन हुने भएको छ ।
यसपटकको आठौँ संस्करणको एक्स्पोमा १६० कक्ष रहने नेपाल औषधि उत्पादक संघले जनाएको छ ।
उक्त एक्स्पोमा विभिन्न १२३ बहुराष्ट्रिय कम्पनी र ३७ स्वदेशी औषधि उद्योगका कक्ष एक्स्पोमा रहने भएका छन् ।
