म्यानचेस्टर युनाईटेडमा फरवार्ड क्रिस्टियानो रोनाल्डो बिनाको खेल सबै फ्यानहरुका लागि खल्लो हुन्छ । आज राती पनि त्यस्तै हुने भएको छ । रोनाल्डोले लिभरपुलविरुद्धको खेल गुमाउने भएका छन् । प्रिमियर लिग अन्तर्गत युनाईटेडले आज राति लिभरपुलविरुद्ध प्रतिस्पर्धा गर्दैछ तर उक्त खेलमा रोनाल्डोलाई भने देख्न नपाईने भएको हो ।युनाईटेडले जानकारी दिदै रोनाल्डोले लिभरपुलविरुद्ध नखेल्ने पुष्टि गरेको छ ।
रोनाल्डो पुत्रशोकमा रहेका छन् । पोर्चुगिज फरवार्ड रोनाल्डोका नवजात जुम्ल्याहा बच्चा मध्ये एकको मृत्यु भएको छ । रोनाल्डो आफैले सोमबार राति सामाजिक संजालबाट नवजात जुम्ल्याहा बच्चा मध्ये एकको मृत्यु भएको जाकारी दिएका थिए । रोनाल्डोका श्रीमती जार्जिना रोड्रिगेजले हालै जुम्ल्याहा बच्चालाई जन्म दिएकि थिईन् । रोनाल्डोले छोराको मृत्यु भएको र छोरी जीवित रहेको जनाएका छन् । त्यसैले उनी मैदानमा उत्रिने छैनन् ।
