काठमाडौ ३० चैत । नेकपा एमालेका नेता तथा सांसद डा भीम रावलले प्रधानमन्त्री शेरबहादुर देउवा , पुर्व प्रधानमन्त्रीद्धय प्रचण्ड र माधव नेपालको तिखो आलोचना गरेका छन् ।
नेता रावलले मंगलबार स्वदेश फर्कन लागेका नेपालका लागि भारतीय राजदुत विनयमोहन क्वात्राको विदाई रात्रीभोजमा सहभागी भएर देउवा ,प्रचण्ड नेपाल लगायतका नेताहरु विदेशभक्तिको नग्न रूप देखिएको भन्दै तिखो आलोचना गरेका हुन् ।
उनले भनेका छन्, ‘भारतीय राजदूतको विदाई रात्रिभोजमा प्रमं शेर ब।देउवा,पूर्व प्रमं माधव नेपाल र पुष्पकमल दाहाल, संविधानसभाका अध्यक्ष सुवास नेम्वांग लगायतका नेताहरू लर्को लागेर दूतावास गएको समाचार पढियो।’
नेता रावलले कूटनीतिक मर्यादा र स्वाभिमान भातेकुर्सीले छोपिएपछि विदेशभक्तिको नग्न रूप देखिएको भन्दै टिप्पणी गरेका हुन् ।
मंगलबार सत्तागठवन्धनको बैठक सकेर देउवासहित नेताहरु सिधै लैनचौर स्थित दुतावास पुगेका थिए । त्यहाँ करिब आधा घण्टा बसेर देउवासहित नेताहरुको बाहिरिएको बताइएको थियो ।
उक्त रात्री भोजमा नेकपा एमालेका नेता संविधानसभाका अध्यक्ष सुवास नेम्वांग समेत सहभागी भएका थिए ।
रावलले भनेका छन्, ‘भारतीय राजदूतको विदाई रात्रिभोजमा प्रमं शेर ब।देउवा,पूर्व प्रमं माधव नेपाल र पुष्पकमल दाहाल, संविधानसभाका अध्यक्ष सुवास नेम्वांग लगायतका नेताहरू लर्को लागेर दूतावास गएको समाचार पढियो। कूटनीतिक मर्यादा र स्वाभिमान भातेकुर्सीले छोपिएपछि विदेशभक्तिको नग्न रूप देखिदो रहेछ।लाज पचेपछि!’
