काठमाडौं २४ चैत । आगामी स्थानीय तह निर्वाचनको लागि लुम्बिनी प्रदेशमा गठबन्धन गरेर जाने सहमति भएको छ । तर सरकारमा सहभागी माधव नेपाल नेतृत्वको नेकपा एकीकृत समाजवादी बाहेकको अन्य दलहरुले गठवन्धन गर्ने भएका हुन् ।
हिजो बुधबार बसेको लुम्बिनी प्रदेशसभामा चार दलका प्रदेशस्तरीय नेताहरुको बैठकले यस्तो निणर्य गरेको हो ।
उक्त बैठकमा माओवादी केन्द्रका लुम्बिनी प्रदेश ईन्चार्ज चक्रपाणी खनाल बलदेव, प्रदेश अध्यक्ष सुदर्शन बराल, नेपाली कांग्रेसका प्रदेश सभापति अमरसिंह पुन, जनता समाजवादी पार्टीका प्रदेश अध्यक्ष अशोककुमार यादव र राष्ट्रिय जनमोर्चाका प्रदेश उपाध्यक्ष बद्रे आलम सहभागी भएका थिए ।
