काठमाडौं १ चैत । नेकपा एमालेका अध्यक्ष केपी शर्मा ओलीले आगमी चुनावमा एमालेले चुनाव जित्ने दावी गरेका छन् । सबै दल मिलेर पनि आफ्नो पार्टीको तौल बढी रहेको बताएका उनले
आफ्नो पार्टीमा मेयर, उपमेयर, वडाध्यक्ष प्रवेश गरिहेकोले पनि आफुहरुले चुनाव जितिन्न है गाह्रो छ भन्नु नपर्ने बताएका छन् ।
‘अनुमानका भरमा हौसला बढाउन भनेको होइन, यथार्थ आधारमा भनेको हो ।’हामी निश्चित रुपमा जित्छौं ।‘यिनीहरु ससाना समूहहरु हुन् । आजको स्थिति भनेको सबै एकातिर हुँदा पनि हाम्रो तौल बढी हुन्छ ।’ ओलीले मंगलबार अखिल नेपाल महिला संघको कार्यक्रममा सहभागी हुँदै भने ।
सत्ता गठवन्धनका पाँच दलको तालमेल भएपनि चुनाव जित्ने जिकिर गरेका ओलीले भने , ‘एक्लाएक्लै आए त कर्याक कुरुक पार्छौं, ‘सबै मिलेर आउँदा पनि कर्याक कुरुक मर्याक मुरुक पार्छौं ।’
