सुर्खेत २९ फागुन । सत्तारुढ दल नेपाली कांग्रेसका महामन्त्री गगन थापाले आगामी निर्वाचनमा गठवन्धन गरेर जाने विषयमा कुनै निणर्य नभएको स्पष्ट पारेका छन् ।
कुडा कर्णाली उत्सवका लागि सुर्खेत आएका महामन्त्री थापाले गठवन्धन गरेर निर्वाचनमा जाने विषयमा कांग्रेसमा कुनै निणर्य नभएको बताएका हुन् ।
विशेष परिस्थितिमा बनेको गठवन्धनका कारण गठबन्धन सरकारले तिनै तहको निर्वाचन बनाउने सन्दर्भमा कुनै अलमल नरहेको स्पष्ट पारेका महामन्त्री थापाले भने, ‘यो पटक पनि चुनावमा तालमेल गरेर जाने कि एक्ला एक्लै लड्ने भन्ने विषयमा बल्ल छलफल सुरु भएको छ ।’
पार्टीभित्र गठबन्धनमा निर्वाचन लड्ने र आफ्नै तागतमा निर्वाचन लड्ने दुईवटा मत रहेको जानकारी दिएका थापाले अहिले कांग्रेसभित्र चनावी अभियान सञ्चालन भइरहेकोले यस विषयमा आगामी दिनमा निणर्य लिने बताएका छन् ।
