काठमाडौं २८ फागुन । नेकपा माओवादी केन्द्रका अध्यक्ष पुष्पकमल दाहाल प्रचण्डले अहिले आफुहरु जुनसुकै बेला देशको संकटमोचनका लागि लाग्नु पर्ने अवस्था आएको बताएका छन् ।
नुवाकोटको विदुरमा आयोजित स्व.पोष्टबहादुर बोगटीको शालिक अनावरण गर्ने क्रममा अध्यक्ष प्रचण्डले यस्तो बताएका हुन् ।
जनयुद्धलाई शान्ति प्रक्रियामा रुपान्तरण गर्नु सामान्य नभएको बताएका उनले १२ बुँदे सम्झौता, वृहत शान्ति प्रक्रियामा माओवादी केन्द्रको भूमिका संकटमोचनकै रुपमा बताएका छन् ।
संघीय लोकतान्त्रिक गणतन्त्र घोषणा गर्नु पनि सामान्य नभएको बताएका उनले आफुहरुले सबै कुरामा अघि बढेर देशलाई निकास दिने काम गरेको दावी गरेका छन् ।
साथै, कार्यक्रममा प्रचण्डले एमसीसी पनि देशकै संकटमा पर्ने अवस्थामा आएकाले त्यसको पनि आफुहरुले संकट समाधान गरेको बताएका छन् ।
