काठमाडौं २६ फागुन । प्रधानमन्त्री शेरबहादुर देउवाले प्रतिपक्षी दल सिद्धिसक्यो भनिरहँदा झन् सशक्त भएको बताएका छन् ।
कांग्रेस जिल्ला कार्य समितिका नयाँ पदाधिकारीलाई प्रमाणपत्र वितरण कार्यक्रमलाई सम्बोधन गर्न पर्सा पुगेका कांग्रेसका सभापति समेत रहेका देउवाले एमालेमा एकता भएको भन्दै आफ्नो पार्टी मा एकता नभएको स्पष्ट समेत पारेका छन् ।
‘अर्कोतिर विपक्षी पार्टी छ, एमाले छ, ओलीको पार्टी छ। सिद्धिसक्यो भन्ठानेको तर सशक्तै छ। उनीहरुसँग सबै छ। एमालेमा एकता छ, हाम्रो पार्टीमा एकता हुँदैन। एकता छैन।’
देउवाले भने ।
आगामी चुनावमा गठवन्धन मिलेर जानुपर्ने बताएका उनले भने,एक्लै चुनाव लड्दाको अवस्था हाम्रो के थियो ? सबै ठाउँमा हारेका थियौँ।
