काठमाडौं २३ फागुन । नेकपा एकीकृत समाजवादीका अध्यक्ष माधवकुमार नेपालले स्थानीय तह निवार्चनमा आफ्नो पार्टीले ठूलो सफलता प्राप्त गर्ने दावी गरेका छन् ।
आज सोमबार काठमाडौंमा आयोजित एक कार्यक्रममा उनले अन्य पार्टीसँथ तालमेल गरेर आफ्नो पार्टीले ठुलै सफलता हात पार्ने बताएका हुन् ।
हामी आउँदो चुनावको तयारीलाई केन्द्रविन्दुमा राखेर वडा, टोल–टोलमा पनि पार्टीको कमिटी विस्तार गर्दै जाने बताएका उनले भने, ‘जो जो सँग हाम्रो तालमेल मिल्नेछ, तालमेल मिलेर हामी चुनावमा अत्याधिक ठूलो सफलता हासिल गर्ने विश्वासका साथ जुटिरहेका छौं’ ।
साथै आज बसेको पार्टीको पोलिटब्युरो बैठकमा अध्यक्ष नेपालले समसामयिक राजनीतिक परिस्थिति र पार्टीको आगामी कार्ययोजनासहितको राजनीतिक प्रतिवेदन प्रस्तुत गरेको पनि अध्यक्ष नेपालले बताएका छन् ।
