तनहुँ २२ फागुन । आगलागी भएको चार घण्टा पछि तनहुँको व्यास नगरपालिका ४ दमौली बजारमा लागेको आगो नियन्त्रणमा आएको छ ।
बिहान करिब १० बजे तिर स्थानीय भूपाल हार्डवेयर गोदाममा लागेको आगो अहिले नियन्त्रणमा आएको हो । आगो निभाउन काठमाडौंबाट सिम्रिक एयरको हेलिकप्टर मगाइएको थियो ।
साथै आठ वटा दमकल, ट्याङ्कर, सेना, प्रहरी र स्थानीयवासीको सहयोगमा आगो नियन्त्रणमा आएको प्रहरीले जनाएको छ । आगलागीमा परेका सात वटा घर जलेका छन् । विद्युत् लाइन सर्ट भएर आगो लागेको हुन सक्ने प्रहरीको अनुमान रहेको छ ।
आगलागीमा मानविय क्षति भने भएको छैन । साथै अन्य घरमा आगो नफैलियोस् भनेर अरू चार वटा घर डोजर लगाएर भत्काइएको छ ।
क्षतिको विवरण भने आउँन बाँकी रहेको प्रहरीले जनाएको छ ।
