काठमाडौं २० फागुन । नेपालमा पछिल्लो २४ घण्टामा थप १२६ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा ७ हजार ९१ जनाको पीसीआर परीक्षण गर्दा १११ जना र १ हजार ८४२ जनाको एन्टीजेन परीक्षण गर्दा १५ जना गरी १२६ जनामा संक्रमण पुष्टि भएको हो ।
त्यसैगरी, पछिल्लो २४ घण्टामा १ जनाको कोरोना संक्रमणबाट ज्यान गएको छ । योसँगै नेपाल मृत्यु हुनेको संख्या ११ हजार ९४५ पुगेको छ।हाल नेपालमा ७ हजार २४२ जना कोरोनाको संक्रिय संक्रमित रहेका छन् ।
संक्रमित मध्ये ५४ जना आईसीयू र १० जना भेन्टिलेटरमा उपचाररत् छन् । त्यसैगरी आज ३८५ जना कोरोना संक्रमणमुक्त भएका छन् ।
