काठमाडौं १९ फागुन । अमेरिकी परियोजना पास भएसँगै सत्तारुढ गठबन्धनको लागि अर्को अग्नि परिक्षा बनेको छ स्थानीय तह निर्वाचन । आज बसेको सत्तारुढ चार दलको बैठकले यही वैशाख ३० गते हुने भनिएको निवार्चनको लागि आ-आफ्ना दलभित्र छलफल गरेर मात्र चुनावी गठवन्धनको निणर्य लिने भएका छन् ।
सत्ता गठवन्धनको आज बसेको बैठकमा चुनावी सहकार्यका विषयमा छलफल भएको छ । पहिले आ-आफ्नो दलमा छलफल गरेर चुनावी तालमेलका लागि गठबन्धनको बैठक बस्ने समेत आजको बैठकले निणर्य गरेको छ ।
‘जुन कारणले हामीले गठबन्धन बनाएको थियौं त्यहीँ राजनीतिक स्थायित्वका लागि गठबन्धनको आवश्यकता छ ।’सरकारका प्रवक्ता ज्ञानेन्द्र बहादुर कार्कीले भने । सुरुमा आ आफ्नो दलले चुनावको विषयमा छलफल गर्छ अनि गठवन्धनको बैठक बस्ने उनल जनाएका छन् ।
यता ,नेपाली कांग्रेसका प्रवक्ता प्रकाशशरण महतले भने निर्वाचनमा गठवन्धनको तालमेलन नहुन सक्ने पनि संकेत गरेका छन् । साथै आजको बैठकमा संसद अवरोधका कारण नागरिकता विधेयक र हवाई उड्ययन विधेयक माथि छलफल गर्न नसकेको पनि बताएका छन् ।
