काठमाडौं १७ फागुन । नेपालमा पछिल्लो २४ घण्टामा थप १ सय ५८ जनामा कोरोना संक्रमण पुष्टि भएको छ । योसँगै नेपालमा हाल सम्म कोरोना संक्रमित हुनेको संख्या ११ लाख १६ हजार ५२९ पुगेको छ ।
स्वास्थ्य तथा जनसंख्या मन्त्रालयले दिएको जानकारी अनुसार ४ हजार ४५८ जनाको आरटी–पीसीआर विधिबाट परीक्षण गर्दा ९२ जना र २ हजार ४६ जनाको एन्टिजेन विधिबाट परीक्षण गर्दा ६६ जना गरी १ सय ५८ जनामा कोरोना संक्रमण पुष्टि भएको हो ।
त्यसैगरी, पछिल्लो २४ घण्टामा २ जनाको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या ११ हजार ९३८ पुगेको छ ।
पछिल्लो २४ घण्टामा देशभर ३ सय ५४ जना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेहरुको संख्या ९ लाख ५७ हजार १६७ पुगेको छ ।
