काठमाडौं १३ फागुन । गठवन्धनबाट बनेको नेपाली कांग्रेसको सरकारले अन्तत: एमसीसीको लागि गठवन्धन तोडी प्रतिपक्षी नेकपा एमालेको माग सम्बोधन गर्ने भएको छ । स्रोतले दिएको जानकारी अनुसार अहिले बालुवाटारमा एमालेको मागको विषयमा छलफल हुने भएको छ ।
आज दिउँसो १ बजे बस्ने संसद बैठकमा एमसीसीको विषयमा छलफल गर्ने भएपछी प्रधानमन्त्री समेत रहेका नेपाली कांग्रेसका शेबरहादुर देउवाले एमालेको माग विषयमा छलफल सुरु गरेका हुन् । सरकारमा सहभागी भएका माओवादी , नेकपा एकिकृत समाजवादीले एमसीसीको विपक्षमा मतदान गर्ने भएपछि देउवा ओली तिर पुगेका हुन् ।
गठवन्धनको समर्थनमा ओलीलाई बालुवाटारबाट बालकोट पुर्याएर आफु प्रधानमन्त्री बनेका देउवा अन्तत एमसीसीको लागि गठवन्ध नै तोडी ओलीकै शरण पुगेका छन् ।
बिहिबार दुई चरणमा भएको ओली देउवाबिचमा भएको छलफलमा आफ्नो माग सम्बोधन भए समर्थन गर्ने ओलीले स्पष्ट पारेका थिए । देउवा पनि गठवन्धन तोडेर भएपछि एमसीसी पास गर्न लागि परेका छन् ।
विगत छ महिनादेखि एमालेले संसद अवरोध गरी आफूहरूले कारबाही गरेको माधवकुमार नेपालसहित १४ सांसदलाई पदबाट बर्खास्त भन्दै माग गरिएको छ ।
