काठमाडौं १२ फागुन । आज दिउँसो १ बजे बस्ने संसद बैठकको कार्यसुचीमा एमसीसी विषय समावेश हुने भएको छ ।
संसद् सचिवालयले दिएको जानकारी अनुसार सम्भावित कार्यसूचीमा अर्थमन्त्री जनार्दन शर्माले एमसिसीमाथि सामान्य छलफल होस् भन्ने प्रस्ताव पेस गर्ने जनाइएको छ ।
अर्को कार्यसुचीमा भनेकानून न्याय तथा संसदीय मामिला मन्त्री दिलेन्द्रप्रसाद बडुले महान्याधिवक्ताको वार्षिक प्रतिवेदन आर्थिक वर्ष २०७७/७८ पेश गर्ने कार्यक्रम रहेको छ ।
संसद बैठक अगावै सभामुख अग्निप्रसाद सापकोटाले कार्यव्यवस्था तथा परामर्श समितिको बैठक बोलाएका छन् । यही फागुन ८ गते बसेको संसद बैठकले एमसीसी टेबल गरेको थियो ।
एमसीसीको विषयमा छलफल गर्न यति बेला सरकारमा सहभागी शिर्ष नेताहरुको दौडधुप बाक्लिएको छ ।
