काठमाडौँ । क्रिप्टोकरेन्सी, हाइपरफण्ड तथा डिजिटल नेटवर्किङलगायतका कारोबारमा संलग्न नहुन नेपालका लागि इजरायली राजदुतावासले सम्बन्धित सबैमा अपिल गरेको छ ।
दुतावासले आइतबार एक विज्ञप्ति जारी गर्दै पछिल्ला दिनमा नेपालमा क्रिप्टोकरेन्सी, हाइपरफण्ड तथा डिजिटल नेटवर्किङलगायतका कारोबार बढीरहेको जनाउँदै यी सबै कारोबारहरु अवैध भएको र कानुनी मान्यता नपाएका कारण यसमा लाग्दा ठगिन सकिने भन्दै सबैलाई सचेत हुन समेत आग्रह गरेको छ ।
दुतावासद्धारा जारी विज्ञप्तिमा यी अवैध कारोबारमा संलग्न भएको थाहा भएमा कानुनी कारबाही हुने मात्रै नभई अवैध तरिकाले स्वदेशी पूँजी समेत पलायन हुने कुरामा समेत सचेत गराइएको छ ।
क्रिप्टोकरेन्सी, हाइपरफण्ड तथा डिजिटल नेटवर्किङलगायतका कारोबारमा संलग्न नहुन भन्दै नेपाल प्रहरीले पनि पटक पटक सूचना निकालेर आग्रह गर्दै आइरहेको छ ।
