काठमाडौं ७ फागुन । राष्ट्रिय कुखुरा बिक्री व्यवसायी संघले आजदेखि कुखुराको मासुको मूल्यवृद्धि गरेको छ ।
आजबाट लागु हुने गरी संघले प्रतिकिलो १५ रुपैंया मुल्य बढाएको हो । साथै आजैबाट किसानले पाउने मूल्य प्रतिकिलो १० रुपैयाँले बढेको पनि संघले जानकारी गराएको छ ।
किसानले पाउने मुल्य बढेकाले उपभोक्ताले पाउने मुल्य पनि बढेको संघको भनाई रहेको छ । योसँगै अब काठमाडौं उपत्यकामा कुखुराको मासुको पतिकेजी मुल्य ३६० भएको पुगेको छ ।
संघले चिसो याममा कुखुराको उत्पादन घट्दा मासुको मुल्य बढ्न गएको बताएको छ ।
