काठमाडौं ६ फागुन । नेपालस्थित रहेको अमेरिकी दूतावासले एमसीसी परियोजनामा भएका स्वस्थ्य बहसहरू मात्र स्विकार्य भएको बताएका छन् ।
एमसीसीको विरोधमा नेपालमा दिनहुँ संसद देखि सडक सम्म विरोध हुन थालेपछि दुतावासले आज शुक्रबार आफ्नो आधिकारीक ट्वीटर ह्यान्डलबाट ट्वीट गर्दै सो जानकारी गराएको हो ।
‘आफ्नो विचार व्यक्त गर्न पाउनु लोकतन्त्रको अन्तरनिहित विषयवस्तु हो र सबैलाई आफ्नो धारणा शान्तिपूर्वक राख्न छुट हुनुपर्छ। तर हिंसा या हिंसा भड्काउने किसिमका विचारहरू स्वीकार्य हुँदैनन्।’ दुतावासले भनेको छ ।
सत्ता गठवन्धनमा नै एमसीसीको विषयलाई लिएर मतभेद भइरहँदा एमसीसीको विषयले नेपाली राजनीतिमा तरंग नै ल्याइदिएको छ ।
