काठमाडौं ४ फागुन । नेकपा माओवादी केन्द्रका नेता देव गुरुङले सत्तागठवन्धन दलहरुबिच नै सहमति नभए एमसीसी अगाडी बढाउनुको कुनै औचित्य नभएको बताएका छन् ।
आज बुधबार बसेको संसद बैठक पछि बाहिरिने क्रममा नेता गुरुङले पत्रकाहरुसँगको कुराकानीमा गठबन्धनभित्रै साझा धारणा नबनेसम्म एमसीसीलाई अघि बढाउनुको कुनै औचित्य नहुने बताएका हुन् ।
सरकारले लाने प्रस्तावमा गठवन्धन दल सहमति हुनु जरुरी रहेको उनले बताएका छन् ।गठबन्धनभित्र छलफल नगरी एमसीसी अनुमोदन प्रस्ताव पेस गर्ने कांग्रेसको निणर्यलाई रोकिएको उनको भनाई रहेको छ ।
