काठमाडौं ४ फागुन । सत्तारुढ दल नेपाली कांग्रेसले नेकपा माओवादी केन्द्रका अध्यक्ष पुष्पकमल दाहाल प्रचण्डले धोका दिएको बताएका छन् ।
अध्यक्ष प्रचण्डले प्रधानन्यायाधीश चोलेन्द्र शम्शेर जवरामाथि महाअभियोग लगाए एमसीसीमा आफुले समर्थन गर्ने भन्दै कांग्रेसलाई दिएको वचन पुरा नगरेको बुझिएको छ ।
कांग्रेसका एक नेताले भनेका छन् , सुरूमा हामीले प्रधानन्यायाधीशमाथि महाअभियोग नलगाऔं भन्दा माओवादीले चोलेन्द्रलाई महाअभियोग लगाऔं हामी एमसिसीमा सहयोग गर्छौं भने, आज आएर सहमति तोड्ने कुरा गर्छन् । ‘
एमसीसी संदनमा टेबल भए गठवन्धन तोड्ने प्रचण्डले चेतावनी दिएका थिए । आज बस्ने संसद बैठकमा एमसीसी टेबल गर्ने भनिएपछि बालुवाटार पुगेका प्रचण्डले कांग्रेसका सभापति समेत रहेका प्रधानमन्त्री शेरबहादुर देउवासँग छलफल गरी संसदमा एमसीसी टेबल नहुने समहति गराएका थिए ।
