काठमाडौं ३ फागुन । सत्तारुढ दल नेपाली कांग्रेसले प्रधानन्यायाधीशविरुद्धको महाअभियोग प्रस्ताव पारित गराउने गृहकार्य सुरु गरेको छ ।
आइतबार प्रधानन्यायाधीश चोलेन्द्र शम्शेर जवरामाथि सत्ता गठवन्धनका ९८ जना सांसदहरुले महाभियोग प्रस्तावमा हस्ताक्षर गरी सचिवालयमा दर्ता गरेका थिए ।
महामन्त्री गगन थापाले दिएको जानकारी अनुसार महाभियोग प्रस्ताव पारित गराउन आवश्यक दुई तिहाई मत पुर्याउन कांग्रेसले सुरु गरिसकेको छ । आज बसेको संसदीय दलको बैठकमा पनि यस विषयमा छलफल भएको थियो ।
सत्ता गठवन्धनका माओवादी , नेपाली कांग्रेस र एकिकृत समाजवादी पार्टीले प्रधानन्यायाधी विरुद्ध महाभियोग प्रस्तावमा हस्ताक्षर गरेका हुन् ।
बैठकपछि थापाले भने, ‘गठबन्धनमा हुनुभएका र प्रतिपक्षमा हुनुभएका साथीहरू जो यसमा सहभागी हुनुभएको छैन, संसदीय दलको तर्फबाट केही साथीहरू पठाएर छलफल गर्ने बैठकबाट टुंगो लगाएका छौँ’ ।
