काठमाडौं २८ माघ । नेपाली कांग्रेसको बाँकी रहेको जिल्ला अधिवेशन यही फागुन १३ हुने भएको छ ।
कांग्रेस केन्द्रीय निर्वाचन समितिका संयोजक गोपालकृष्ण घिमिरे अध्यक्षतामा बसेको केन्द्रीय निर्वाचन समितिको बैठकले बाँकी रहेको जिल्लामा फागुन १३ गते जिल्ला अधिवेशन हुने निणर्य गरेको हो ।
देशभर १६ जिल्लामा कांग्रेसको जिल्ला अधिवेशन हुन बाँकी रहेको छ । जसमा प्रदेश २ का आठ जिल्ला र बाँकी अन्य आठ जिल्लामा निर्वाचन हुन बाँकी रहेको छ ।
केन्द्रीय निर्वाचन समितिको बैठकले दिएको जानकारी अनुसार सप्तरी, सिराहा, धनुषा, महोत्तरी, सर्लाही, रौतहट, बारा, पर्सा, सिन्धुली, मकवानपुर, सिन्धुपाल्चोक, चितवन, बाँके, कैलाली, अछाम र नवलपुरमा जिल्ला कार्यसमितिको अधिवेशन गर्न बाँकी छ।
