काठमाडौं २७ माघ । नेपाली कांग्रेसका नेता डा। शेखर कोइराला र नेकपा माओवादी केन्द्रका अध्यक्ष पुष्पकमल दाहाल ‘प्रचण्ड बिच आज बिहिबार भेटवार्ता भएको छ ।
प्रचण्ड निवास खुमलटारमा भएको भेटवार्तामा नेता कोइरालाले आफु चुनावी गठबन्धनको पक्षमा नरहेको स्पष्ट पारेका छन् । भेटमा प्रचण्डले चुनावमा गठबन्धन गरेर जान प्रस्ताव राखेकाले उनले प्रचण्डलाई यस्तो जवाफ दिएका हुन् ।
गठबन्धन गर्ने भए सरकारमा गरौंला भनेका नेता कोइरालाले चुनावमा आफु कुनै पनि हालहतमा गठवन्धनको पक्षमा नभएको स्पष्ट पारेका छन् ।
तथापी , भेटमा प्रचण्डले भने चुनावी गठवन्धन गर्न आग्रह गरेको बुझिएको छ । साथै नेता कोइरालाले एमसीसीको विषयमा पनि पनि स्पष्ट निणर्य लिन प्रचण्डलाई सुझाव दिएका छन् ।
सहमत भएका संसदबाट पारित गरौं नभए संसदबाटै अस्विकार गर्न समेत उनले सुझाव दिएका छन् । नेता कोइरालाको यो जवाफ पछि एमसीसीको विषयमा चौतर्फी आलोचना खेपिरहेका प्रचण्ड तनावमा देखिएका छन् ।
यसअघि नेता कोइरालाले नेकपा एमालेका अध्यक्ष केपी शर्मा ओलीसँग पनि भेटवार्ता गरेका थिए ।
